Kontzientzia fonologikoa, ahozko hizkuntzaren elementu ezberdinak identifikatzeko eta manipulatzeko gaitasuna da. Txikitatik lantzea komeni da, irakurketa-idazketa eskuratze prozesua errazten baitu.
Kontzientzia fonologikoa lantzeko sekuentzia egokiena, Comunicar-nos taldeak adierazten diguna da:
| 3 urterekin: KONTZIENTZIA LEXIKOA |
- Esaldiak zatitzea eta hitzak kontatzea
- Bi esaldien hitz kopurua konparatzea
- Esaldi bati hitz berri bat gehitzea, esaldiaren zentzua galdu gabe
- Esaldi bati hitz bat kentzea, zentzua galdu gabe
- Hitzak ordenatuz esaldi bat sortzea
- Hitzak gehituz hitz berriak sortzea
- Hitzak kenduz hitz berriak sortzea
- Hitzen luzeera identifikatzea
- Errimen identifikazioa lantzen hasi
|
4 urterekin: KONTZIENTZIA SILABIKOA |
- Lehenengo silaba identifikatzea
- Azkenengo silaba identifikatzea
- Erdiko silaba identifikatzea
- Errima identifikatzea
- Silaba kopurua kontatzea
- Hitz-kateak egitea
- Sintesi silabikoa (silabak gehituz hitzak sortzea)
- Lehen silaba kentzea
- Azken silaba kentzea
- Erdiko silaba kentzea
| - Lehen silaba gehitzea
- Azken silaba gehitzea
- Erdiko silaba gehitzea
- Silaba tonikoa identifikatzea
- Silabak ordenez aldatzea
- Silabak ordezkatzea
- Silabak ordenatu hitzak sortzeko
- Hitzak konparatzea silaba komunak identifikatzeko (txokolate eta kotxe)
|
| 5 urterekin: KONTZIENTZIA FONEMIKOA |
- Hasierako fonema bokalikoak identifikatzea
- Azkenengo fonema bokalikoak identifikatzea
- Hasierako fonema kontsonantikoak identifikatzea
- Azkenengo fonema kontsonantikoak identifikatzea
- Fonemak diskriminatzea
- Fonemak kontatzea
- Hitz hasieran fonema bat gehitzea
- Hitz bukaeran fonema bat gehitzea
| - Hasierako fonema kentzea
- Azkenengo fonema kentzea
- Hasierako fonema ordezkatzea
- Bukaerako fonema ordezkatzea
- Erdiko fonema ordezkatzea
- Hitza fonemetan banatzea
- Fonemak gehituz hitza sortzea
- Fonemak ordenatuz hitza sortzea
|
Informazio iturria: Comunicar-nos. Siembra estrellas
Hau guztia kontutan izanda eta euskarazko material gutxi dagoenez, beraien webguneko materialetako bat euskaratzea erabaki dut.
Kontzientzia lexikoa. Hitz konposatuak
Material honen helburua, dio Comunicar-nos taldeak, kontzientzia lexikoa lantzea da. Ikasleari, bi hitz ezberdin gehitzean, hitz berri bat sor dezakegula ikusarazi nahi diogu.
Bi helburu landu ditzakegu, beraz, materialarekin:
Hitz ezberdinak konbinatuz, hitz konposatu berria sortzea.
Hitz konposatu bat, bi hitzetan deskonposatzea.
Egin klik irudietan eta deskargatu zeurea!
Leire Artozki
(Comunicar_Nos taldearen atorrizko gaztelerazko materialera joateko: egin klik hemen)
(Irudiak ez dira nireak eta amaieran erreferentziatu ditut)
(Las imágenes no son mías y las he referenciado al final de cada documento)
